話說尋日出左個 Blog 講今個星期沙田泥地夜賽，我哋個AI模型預測結果比想像中好好多，有網友繼續用之前嘅投注策略嘅最後回報率重要係好好。有網友睇左個 Blog 就 inbox我哋，話：”個賽馬日冇左潘頓，梗係易賭左啦…”
我哋真係唔係賽馬或者賭博專家，其實對我哋黎緊騎師只係一個ID加入一堆參數，例如勝率、獎金、年紀、經驗、國藉之類，我哋又真係冇特別考慮過會唔會某個騎師騎嘅馬會”易” 定”難” 賭，甚至個賽馬日潘頓原來冇騎我地其實都冇留意。咁聽到呢個網友咁講，我哋都好好奇，其實會唔會真係有關係呢？定只係一啲人對一啲過去唔愉快經歷後產生嘅錯覺或者迷思呢？
我哋咁沉迷同信奉 Data Science 同 AI，即時就決定試下用科學角度破解，研究下潘頓係同人工智能預測能力之間又有冇關係。大家記得留意住我地網站睇結果！