今日係少有嘅沙田夜賽，仲要跑全天候跑道，即係大家叫嘅泥地賽。咁情況人工智能表現會比賽差嘛？因為我真係冇對呢個課題做過研究，所以我都真係唔肯定。但用Data Science角度睇，用機器學習或深度學習去預測呢類少歷史記錄嘅情況，表現係應該會比較差。因為泥地賽數據本身少，而比賽又少，至少我地就冇特別為呢種情況去訓練模型，又或者去做回測實驗。又而且本身賽事數據，大部份來自草地、跑馬地夜賽、沙田日賽等等，本身亦同沙田泥地夜賽情況有偏差，所以預測結果都一定會有偏差，所以我會估計呢類場合預測結果唔會有其他情況咁穩定。例如之前我地比較模型晌沙田同跑馬地表現，都會見到沙田比較穩定類似情形。
但我地都唔係賭馬專家，呢類情況對於投注博彩回報係好事定壞事就更加冇資料研究，所以我地都係出個blog去分享下就算。但我自己今晚就唔會下注喇…