之前一直都只係晌啲私人group 或Whatsapp 同網友交流，剛剛最近先有時間攪好個Website，但原來都幾多人會上網搵賽馬資料，好快已經開始有organic 流量，比我哋之前做嘅好多其他網站快。同時都開始接觸到新朋友搵我哋，所以就試下加入呢個網誌區，同大家分享一啲未必非好technical或者專業嘅嘢。(所以呢邊會比較多用廣東口語)
講開啲網友，我覺得佢地真係好勁，我哋本身真係唔識賭馬，就算建立咗個model都唔識嬴錢，但有啲網友就教返我點樣投注。好似有個網友教我一種N+1投注方法，即係Q就買3隻，T就買4隻，四連環就買5隻咁，佢話跟我哋個數據好多時都會有回報。佢話尋日就試左每場買我哋位置機率最高4隻買單T，結果中左3場，其中一場賠率都唔差。佢回埋圖俾我睇:
如果你有參考我哋嘅資料，而又有啲可行投注方法都可同我哋分享交流下，雖然我哋成日話自己唔鍾意賭錢，只沉迷研究AI，不過我哋都想贏下錢$$$㗎….