剛剛尋日出左篇 BLOG，我地話估計沙田泥地夜賽，從 Data Science 角度睇人工智能表現會比賽差，呢度可以睇返:
不過一賽完，就已經有網友幫我地做左實測成績。其中一個又係之前教我地N+1投注方法個網友，佢原來繼續用呢個方法跟我地個預測去投注，結果冇上次咁好，不過都中左兩場：
佢每場用$200買，全晚$1,600，雖然只中兩場，總回報$3,135，計返回報率有96%，原來都唔細，甚至比我地其他啲金融投資模型回報率大好多。
又有另一位網友回圖，佢每場用頭3隻單注買10蚊單T，全晚$80，都中到一場派$295，計返回報率有269%！
而我自己真係… 冇買… 所以我話我地唔係搏彩專家係真嘅。不過見到個模型原來都有人真係會參考都係開心嘅，我地本身開始呢個 Project 都唔係為贏錢，主要真係為興趣同好奇而做，同埋預測賽馬都係我地咁多 Project 中算最難同有挑戰性，本身我地真係唔太識賽馬，而家重越來越多網友提供資訊同心德俾我地，我地有時間可以繼續改善個系統落去。